有一日你終於遇到喜歡嘅人，你哋有共同興趣朝夕相對非常親密，直至到有一日你覺得機會來啦飛雲，想知道究竟大家能唔能夠進展成為合法情侶關係嘅時候，佢答咗你一句：唔好意思，我覺得我末ready。
Hmm... 咁即係點呀？
我認為會講我"未ready"嘅人多數係有以下呢兩種interpretations:
1. 我覺得大家個moving pace有所唔同，我唔係唔鍾意你，但係我希望你可以將我哋嘅速度條教慢少少令我可以適應多啲
2. 其實我並唔係真係咁鍾意你，但係我又唔想hurt你
由於雙方Interest level有所唔同，當對方覺得你比較鍾意佢而你又想進一步progress去下一步嘅時候，會令對方感到有壓力以致佢唔想跟你嘅timeline去做。如果你覺得呢個人值得等一陣嘅話，你就要試吓slow down一下大家嘅速度。 Give and take，佢俾幾多你就俾返幾多，如果你俾得比佢太多嘅話就只會比咗壓力佢令佢反感，最後只會嚇走佢。如果你覺得呢個人值得等但係可能會等好耐嘅話(例如佢啱啱受過感情重創，或者屋企突然出現問題)，不妨go back to square one做返普通朋友先以退為進，從頭累積過好感。
要緊記退一步係代表俾多啲空間佢，俾時間佢去諗一下究竟佢想唔想同你move forward，並唔代表喺呢段時間你要去冷落佢唔覆佢WhatsApp。人就係賤，啲野唔逼到埋來都唔肯揀唔肯做。有時候後退都係一種進攻，你退一步佢就會自然諗多一步。試吓俾多啲機會佢做主動嗰個，佢真係喜歡你嘅話自然會約你打電話俾你。 千祈唔好因為心急而係短時間裏面再問佢多一次"有無進展空間？"<- 死硬；同時你亦一定要set個deadline比自己究竟你會為呢一個人等幾耐(自己知得架啦唔使比佢知)。喂呀，你等巴士等左一個鐘都要試吓轉地鐵啦係咪啊？
假如你發現你喜歡嘅對象從來無諗過進一步想認定關係嘅跡象，而同時佢又將末ready當做佢嘅原因嘅話，我勸你而家delete佢contact罷啦，你唔係呢啲都要我教你呀?!世界之大，你一定可以搵到另一個會好好愛惜你嘅人！
無論你最後決定等又好唔等都好，都要趁呢段時間約多啲你嘅朋友出嚟，又或者參加多啲"課外活動"，識多啲朋友之餘又可以增長知識。
一定唔可以為咗等一個人而失去自己。共勉之。
#女人像鹽
Search